Мый кугезе ковам Анастасия Степановна Казакова нерген каласкалынем. Тудо Кужэҥер районысо Рӱжбеляк ялыште 1924 ий 1 апрельыште шочын. 12 ияш улмыж годым тулыкеш кодын. Тудын 5 ияш шольыжо лийын. Тунам йочапӧртыш налын огытыл. Ковам шольыжым шке ончен куштен. Ял мучко кочкышым, пасушто шӱйшӧ пареҥгым поген коштын. Тӱрлӧ кушкылым кочкыныт.
Кугу Ачамланде сар тӱҥалме годым 17 ияш лийын. Тудлан пеш шуко пашам ышташ логалын. Ковам, имньым кычкен, шолым волтымашке, окопкым кӱнчымашке коштын. Тудо пеҥгыде капкылан лийын. Сар пытымеке, ик ӱдыржӧ шочын. Кугезе уныкаже-влакымат ужын.
Тимофей АЛЕКСАНДРОВ.
Кужэҥер школ.
