2020 ий – Слон идалык

Акрет годсек марий калыкын кечым шотлымо шке радамже лийын. У идалык 22 мартыште шочын. Кажне ий янлык, кайык, копшаҥге лӱм дене палемдалтын. 2020 ий – Слон идалык. Тудо пеҥгыдын шогымым, шке шонымашке шуаш тыршымым, профессионализмым, вийым погымашым ончыкта.
Тӱрлӧ материалым кучылтын, марий сынан слоным ыштыза. Пашадам сниматлыза да фотографийым редакцийышке 1 июнь марте колтыза.