Медведево тӱвыра рӱдерын «Маска» калык самырык театрже Юл кундем федерал округысо «Театральное Приволжье» йоча да самырык коллектив-влак фестивальын окружной йыжыҥыштыже «У войны не женское лицо» спектакль дене кокымшо верыш лектын. […]
Месяц: Март 2021
Сеҥышыш лектыныт
Шернур район Марисола школын 6-шо классыштыже тунемше-влак Алёша, Никита, Илья Шабдаровмыт «Фейерверки талантов» всероссийский конкурс-фестивальыште сеҥышыш лектыныт. Нуно «Весела рвезе-влак» куштымашым ончыктеныт. Вуйлатышышт – Т.Э.Шабдарова.
«Калык герой»
1-11-ше класслаште тунемше-влак «Национальный герой» шымлыме да усталык паша республикысе дистанционный конкурсышто мастарлыкыштым терген кертыт. Таҥасымаш 23 апрель марте шуйна. Тӱрыс уверым rv12.ru сайтыште лудса.
«Шӱдыр-влак нерген йӧратымаш дене» конкурс
Ӱдыр-рвезе-влак, «О звёздах с любовью» республикысе конкурсыш 10 апрель марте ушнен кертыда. Сўретым сӱретлен, почеламутым але ойлымашым возен, #оЗвездахсЛюбовью, #активМП_12 хештегла дене ВКонтакте але Instagram лаштыклаш вераҥдыза.
Химий дене призёр
У Торъял школын 11-ше классыштыже тунемше Григорий Ложкин химий дене всероссийский олимпиадын пытартыш йыжыҥыштыже призер лийын. 280 балл гыч 164,25 баллым поген. Туныктышыжо – Л.Э.Глушкова.