Увер-выр-вр

«Акпатыр» – кава йымалне

Э.Сапаев лӱмеш Марий кугыжаныш опер да балет академический театрын артистше-влак «Акпатыр» оперым кава йымалне нылымше гана ончыктат. Тудо 13 июньышто Курыкмарий район Сухин ял воктене лиеш.

Увер-выр-вр

«Йӧратыме йӧмакысе персонаж»

Республикысе курчак театрыште «Персонаж любимой сказки» республикысе конкурсым иктешленыт. Тушко 100 утла паша пурен. Килемар, Медведево, Волжский, Звенигово, Шернур районла да Йошкар-Ола гыч 22 йоча лауреат лийын.

Увер-выр-вр

Российым моктен мураш

Кум ияш деч кугурак кажне кумылан еҥ «День России!» всероссийский дистанционный музыкальный фестиваль-конкурсышто мастарлыкшым ончыктен кертеш. Йодмашым 11 июнь марте aragorn-studio@mail.ru адрес дене электрон почтыш колтыман. Фотом Интернет гыч налме.

Увер-выр-вр

«Таза еш – виян Россий»

Марий Элысе еш-влак «Здоровая семья – сильная Россия!» всероссийский спорт фестивальышке ушнен кертыт. «Шуко шочшан Россий», «Калыкын тазалыкше», «Мемнан илымыланна тау!» конкурс-влак, Всероссийсий велопробег да молат эртаралтыт.

Увер-выр-вр

Акцийышке ушныза

Российысе просвещений министерстве «Мои школьные годы» акцийым увертарен. Тудо 30 июнь марте шуйна. Оҥай фотом ыштыман да соцкыллаш #Моишкольныегоды, #Минпросвещениярф хештегла дене вераҥдыман. Эн сай фото-влаклан пӧлекым кучыктат.