Екатерина Филатова сеҥен

Оксана Федорован фондшо «Мои герои большой войны» усталык конкурсым тений нылымше гана эртарен. Российын тӱрлӧ кундемже да вес элла гыч 19 тӱжем паша пурен. Сӱрет, видеоролик, мурымаш, почеламутым сылнын лудмаш, мурен куштымаш, шкешотан оҥай жанр номинацийлаште 50 сеҥышым палемденыт. Козьмодемьянск ола гыч Екатерина Филатова мурым мурымо дене икымше верыш лектын. Ты ола гычак Полина Ивлева кумшо ли-йын. Йошкар-Ола гыч Александра Смирнова сӱретшылан посна пӧлекым налын. Сеҥыше-влакым 25 апрельыште Москосо Космонавтике тоштерыште саламленыт.