Оля СПИРИДОНОВА (снимкыште – туныктышо Н.В.Иванова дене пырля) дене «Ший талешке» республикысе конференцийыште палыме лийна. Ӱдыр Волжский район Купсола школышто тунемеш. Тудо «А.В.Тимофеев – Кукшэҥер ялын чолга эргыже» шымлымаш пашам возен да кокымшо верыш лектын.
– Уста серызе Алексей Тимофеев – мыйын кочам. Мый илыш корныжым келгын шымленам. Кочам инженер-экономистлан, Марий радиошто тӱҥ редакторлан да моло вере пашам ыштен. Алексей Васильевич ятыр сылне произведенийым возен. Мый «Шем курныж» да «Койдымо фронт» романже-влакым лончыленам. Икымше романыште совет разведчик-влакын Кугу Ачамланде сарыште кредалмышт нерген ойлалтеш. Произведенийын геройышт-влак дене умбакыже мо лиймым «Койдымо фронт» романыште пален налын кертыда. Кочам моткоч талантан лийын. Мый тудым талешкылан шотлем, – ойла чолга ӱдыр.
Кочаже – талешке
