Рӱдолаште – марий сем

И.С.Палантай лӱмеш тӱвыра да сымыктыш колледжын калыкле сымыктыш гимназийжын «Кӱсле» йоча образцовый ансамбльже (вуйлатыше – Марий Элысе тӱвыран сулло пашаеҥже Е.И.Васютина) Моско олаште эртаралтше «Во имя жизни» социокультурный проектыште таҥасен. Тудо Сеҥымашлан 76 ий теммылан пӧлеклалтын. «Кӱсле» ансамбльын ӱдыржӧ-влак кок таҥасыште мастарлыкыштым тергеныт. Икымше кечын «Война, Победа, музыка» конференцийыште докладышт дене 1-ше да 3-шо верла дене палемдалтыныт. Вес кечын оркестр-влакын конкурсышт лийын. Кӱслен ныжыл йӱкшӧ, ӱдыр-влакын мастарын шоктымышт жюрим сымыстареныт. Йоча ансамбль кум произведенийым шоктен да икымше верыш лектын.

В.ГОРОХОВА.