Рывыж ден Коля

Иленыт улмаш кожерыште Рывыж ден Коля. Икана рывыжын мӱшкыржӧ шужа.

– Ялыш кайышаш, чывым руалтышаш, – манеш да кудал колта. Онча – Коля пундышышто шинча. Тудлан ойла: – Айда пырдя ялышке. Чывым шолыштына. Мӱшкыр тореш кайымешке кочкына. Тый вара икмыняр жап кочде илен кертат.

– Огым, – вашешта Коля. – Лӱдам. Марийын пийже пеш осал.

– Шке палет. Огыт гын, огыт.  Мыланем шукырак логалеш, – манеш да кудалеш.

Ялышке миен шуэш. Йыштак вӱташке пура. Чывым руалташ веле кодеш, тыгодым Шарик шижын шукта. Рывжлан кычкыралеш: «Тый мом ыштылат, а?» Рывжет кожерышке кузе миен шумыжымат ок шарне.

Вес кечын Коля саде Рывыжетым вашлиеш.

– Мӱшкырет тореш каен? – йодеш.

– Тыйжак ит игылт. Шкеже пыкше утлышым, могай тушто тореш мӱшкыр.

– Ондалыде, шолыштде илаш тунемман, Рывыж тос, – ойла Коля.

– Айда лучо кол кучаш каена. Мыйын кок эҥырвара уло.

Юлия ИВАНОВА.

Морко, Коркатово.