«Кугу перемен» всероссийский конкурс «Молодёжь и дети» национальный проектын ик ужашыжлан шотлалтеш. Тений кудымшо гана эртаралтеш. 27-31 июльышто «Артек» тÿнямбал йоча рÿдерыште конкурсын финалже 5-7-ше класслаште тунемше-влакым иквереш чумыра. Йошкар-Оласе 29-ше номеран школышто тунемше Игорь Марков (снимкыште) тушто Марий Элын чапшым аралаш тÿҥалеш. Финалышке Российын тÿрлӧ регионжо гыч 700 наре ÿдыр-рвезе погына. Нуно тÿрлӧ сферыште пашам ыштыше эксперт-шамыч дене вашлийыт, заданийлам шуктат, шинчымашыштым пойдарат, мастер-класслашке ушнат. Иктешлыше йыжыҥыште 300 сеҥышым палемдат. Тÿҥ приз – Россий мучко поезд дене путешествий. Игорьлан сеҥымашым тыланена!
Людмила ГРИГОРЬЕВА ямдылен.
Фотом Марий Эл Республикысе Образований да науко министерствын «ВКонтакте» соцкылысе тӱшкаж гыч налме.
