Кажне ялын шке талешкыже уло. Ме, Морко районысо Кораксола ялыште илыше-влак, калык писатель Никандр Лекайным талешкылан шотлена. Тудо калык писатель чаплӱмым икымше сулен налын. Клуб ончылно Никандр Лекайнлан чапкӱм шогалтыме. Ме кажне ийын, 26 апрельыште, чапкӱжӧ ончыко погынена (снимкыште). Талешкынам шарналтена, илыш корныжым, творчествыжым ушештарена. Надежда Сергеева шке возымо «Лекайн лӱмеш» почеламутшым лудеш. Шке гыч ыштыме пеледышым пыштена. Тыгай поро пашалан мемнам марий йылмым да литературым туныктышо, Кораксола тӱвыра пӧртым вуйлатыше Елена Валериановна Григорьева кумылаҥда. Тыге ме шочмо мландынам йӧраташ, талешкына-влак дене кугешнаш тунемына.
6-шо классыште тунемше-влак.
Морко, Шӱргыял.
Фотом школ архив гыч налме.
