Украиныште эртаралтше специальный сарзе операцийыште мыняр самырык рвезе я ийготан пӧръеҥ илыш дене чеверласен?! Нунын лӱмыштым, подвигыштым калык нигунам ок мондо. Морко район Эҥерӱмбал ялын шочшыжо Евгений Анатольевич Титов — нунын кокла гыч ик эн лӱддымыжӧ, патырже. Арам огыл тудым шарныме лӱмеш шочмо ялыштыже куштылго атлетике, силовой двоеборье дене таҥасымаш эртаралтеш. Тушко мый ӱмаштат, теният ушненам. Куржаш куштылгыжак лийын огыл, но мый уло вий дене тыршенам. Шинча ончылнем сарым сӱретленам, пуйто мыят кредалынам. Тыге кумшо куржын толынам.
Алина СУББОТИНА.
2-шо номеран Морко школ.
Алексей Васильевын фотожо.
