Тукым шольым ден шӱжаремлан декоративный черепахым Шем теҥыз воктеч конденам. Карапучка лӱмым пуэныт. Улыжат 4-5 сантиметран ыле. Лу тылзыште 2 сантиметрлан кушкын. Тудо ушан, оҥай да писе лийын. Карапучкам режим дене пукшат. Кочмо жапшым тудо сайын пала, сер воктеке толын, кокйола шогалын, аквариумым удыра. Арнялан ик гана эрыкыш луктыт. Посна келыштарыме верыште икмыняр минут «куржталыштеш».
Черепахым ончаш неле огыл. Икмыняр каҥашым шотыш налын, йоча-влак, теат ончен кертыда. Ныл йолан йолташлан келшыше аквариумым ужалат. Тудо кӱкшака серан, черепахе деч 3-5 пачаш кугурак лийшаш. Пундашышке тыгыде кӱм, модыш пальмым але вес тӱрлє шудым вераҥдыман. Вӱд леве лийшаш. Серым тичмашнек петырыман огыл. Тушко черепахе каналташ лектеш. Вӱдым арнялан ик гана вашталтыман. Черепахым кечылан ик гана пукшыман. Кукшо кочкышым вӱдыш пышташ лиеш. Тенданат ныл йолан йолташда Карапучка семын куандараш тӱҥалеш манын ӱшанем.
Настя ИВАНОВА.
Морко, Кугу Шале.
