Ачайым, изайым пӧртылтӧ

Салам лийже, Йӱштӧ Кугызай! Мый ялысе тыглай рвезе улам. Моло йоча семынак телым чон вургыж вученам. Тудо могай сӧрал пагыт! Йырым-йыр шийла йылгыжеш, юзо тӱняшке логалметла чучеш. Ече, издер дене мунчалташ, лум моклакам ыштен поктыл модаш лиеш.

Туге гынат чонышто тургыжланымаш уло. Салтакна-влак тыныс илышым йӱдшӧ-кечыже аралат. Йӱштӧ Кугызай, иктым веле йодам: ачана, изана-влакым мӧҥгӧ вашкерак пӧртылтӧ. Тыланетат пеҥгыде тазалыкым тыланем. Юзо виет тушманым чактарен кертеш манын ӱшанем. Кажнылан куаным да пиалым   пӧлекле. Тау, чеверын, Йӱштӧ Кугызай!

Ярослав ГАВРИЛОВ.

Морко, Шӱргыял.

  • Related Posts

    Еш – кумда сандалык

    Звенигово район гыч Толстовмыт еш (снимкыште) нерген иктаж уверым колам але лудам гын, шинча ончылнем эн ончыч изи Полина сӱретлалтеш. 2019 ийыште «Изи поҥгызо» конкурсыш ушнымо фотожо тачат ушыштем. Ӱдыр…

    Салам, пырыс ден кок кролик!

    Sanrio япон компаний тӱнялан шуко оҥай персонажым пӧлеклен. Герой-влакын сӱретыштым вургемым, канцелярий да шуко вес арверым ыштымаште кучылтыт. Hello Kitty, Мелоди ден Куроми поснак ойыртемалтыныт. Hello Kitty – ош пырыс,…