Эдуард Михайловым Пелемеш ялын ик эн тале пӧръеҥже, озаже манаш лиеш. Тудо ялысе кеч-могай йодышым рашемдаш, ой-каҥашым пуаш ямде. Ик мероприятият тудын деч посна огеш эртаралт. Эдуард Иванович спортышто, тунеммаште, мер пашаште изи годсек эре ончылно лийын. Колхозым латвич ий вуйлатен, ныл ий школ директорлан пашам ыштен, Буймо ял шотан илемын вуйлатышыже лийын. Тудо «Мари лыжня», «Пелемеш ечыгорно» таҥасымаш-влаклан, «Марий кас» мероприятийлан тӱҥалтышым пыштен. Эн тӱҥжӧ – тудо мыйын ачам. Моткоч кугешнем да йӧратем.
Ирина МИХАЙЛОВА.
Татарстан, Агрыз.
