Снимкыште У Торъял кыдалаш школышто 5-ше классыште тунемше Александр Котем ужыда. Фамилийже ойыртемалтшын йоҥга. Ачаже – француз, аваже – мари. Саша шочмо йылмыжлан француз йылмым шотла гынат, марий йылмым моткоч йӧрата. Школышто кыртмен тунемеш. Туныктышо Л.В.Мочаеван полшымыж дене почеламутым сылнын лудмо конкурслашке ушна. У Торъял районышто эртаралтше таҥасымашлаште икымше верымат сеҥен налын. «Колумб лудмаш» пайремыш ушнаш шона. Марий йӱла, йылме ойыртем, марий сылнымут – чылажат Сашалан шерге да лишыл.
Ачаже – француз, аваже – мари
