Ача-авана мемнам южгунам каныме рӱдерыш коштыктат. Мыланна тушто пеш келша. Шӱжарем дене коктын модына, куржталына, тӧрштылына, мунчалтена… Шукерте огыл мийымына годым Полина шӱжарем МЧС пашаеҥын, вара врачын вургемыштым чиен ончен. Ты рӱдерыште ик пӧлемым эмлымвер семын келыштарыме. Тушто тӱрлӧ эмлыме арвер уло. Полина мыйым колыштын (снимкыште), «эмлен». Тудлан эмлызе лияш моткоч келшен. Кӧ пала, ала, кугу лиймекыже, тиде профессийым ойырен налеш?
Мария МАМАЕВА.
Йошкар-Ола, 23-шо номеран школ.
Фотом еш архив гыч налме.
