«Мыйын элем – мыйын Россием» российысе конкурсым иктешленыт. 14-17 ияш ӱдыр-рвезе-влак проектыштым онлайн араленыт. 21 йоча сеҥышыш лектын. Нунын коклаште – Йошкар-Оласе Т.И.Александрова лӱмеш 11-ше номеран лицейын тунемшыже Максим МЕДВЕДЕВ. Тудо «Мыйын тазалыкем» таҥасыште ойыртемалтын. Уста рвезе Йошкар-Олаште аллергик-влаклан канаш келшыше икмыняр верым ышташ шона. Кажныштыже аллергенный огыл 2 тӱжем кушкылым шындышаш улыт.
– Тыгай зоно-влакым олан картышкыже пуртат. Тудым соцкыллаште #АллергияSTOP проектын лаштыклаштыже ужаш лиеш. Тушан ролик, опрос-влакым вераҥдена. Ончыкыжым тыгай проектым Йошкар-Олаште веле огыл, моло вереат шыҥдараш тӱҥалыт манын ӱшанем, – ойла Максим.
Фотом Интернет гыч налме.
