Уэш тургым пагыт тӱҥале. Йоча-влак парт коклашке шинчыныт, ялозанлык пашаеҥ-шамыч, шурным поген налын, телылан ямдылалтыт, ял калык пакча пашам мучашке лишемдаш вашка. Мемнан, газет ден журнал редакцийлаште пашам ыштыше-влакын, 2026 ийын икымше пелийжылан подписке тургым кая. Жапым шуйкалыде, «Ямде лий» газетлан возалташ вашкыза. Теве Звенигово район Красногорский посёлкысо «Изи шӱдыр» ансамбльыш коштшо ӱдыр-шамыч (снимкыште) йоча газетым арня еда вучат. Нуно 2-шо номеран Красногорский школышто 4-ше «Б» классыште тунемыт. Посёлкысо «Теремок» йочасадыш коштмышт годымак мураш кумылаҥыныт. Нуным Любовь Леонидовна Пакалина туныкта.
Тӱрлӧ йӧным кучылтын, газетлан подпискым ышташ лиеш:
почто гоч. Индекс – П4696. Ак – 505 теҥгеат 56 ыр (Марий Элыште);
онлайн: podpiska.pochta.ru сайтыш пурыман але «Почта России» мобильный приложенийым кучылтман. Индекс ден ак тыгаяк;
редакций гоч. Ак – 200 теҥге;
электрон газетым налнеда гын, yamde_lii@mail.ru адресыш лӱмнердам, электрон почто адресдам возен колтыман. Ак – 200 теҥге.
Ушештарена: 1-11 октябрьыште Россий мучко подписчикын декадыже эртаралтеш. Тыгодым шулдырак ак дене подпискым ышташ лиеш.
Людмила ГРИГОРЬЕВА.
Оля МАЙКОВАН фотожо
