Курыкмарий районысо Сурский тӱҥ школ Козьмодемьянск ола деч ик эн тораште верланен. Российысе да Марий Эл Республикысе тӱвыран сулло пашаеҥже Арсений Яйцов дене вашлиймаш тунемше, туныктышо, ача-ава, коча-кова-влаклан ятыр куаным пӧлеклен (снимкыште). Уста гармонист дене пырля муреныт, куштеныт, жапым веселан эртареныт.
Фотом А.ЯЙЦОВЫН архивше гыч налме.
Тений кеҥежым ик эн кугу шонымашем шукталте. «Орлёнок» всероссийский рӱдерыш, «Олимпийский» лагерьыш миен тольым. Тушко логалаш манын, эн ончыч ме Волжск оласе экологий рӱдер пеленысе «Хранители леса» школ лесничестве дене…
Кеҥежым каныме, юарлыме шуэш. Туге гынат ты пагытыште ятыр сомыл улмым ме раш палена. Садлан ача-аваланна полшена. Школ кумдыкымат эрыкташ коштына. 27-31 июльышто школ стадионышто шудым удыренна (снимкыште). Тыге кумдык…