Кече шыратен онча. Шыргыжалмыж дене куандарен, уремышке ӱжеш. Шӱжарем дене коктын сад-пакчашке лекна. Лӱҥгалтышыш шична да кавашке ончена. Кенета пырысиге магырымыла шоктыш. Йырымваш ончална – ныл йолан йолташ нигушто ок кой. Шукат ыш эрте – ужаван йӱкшӧ пылышлан солныш. Воктене пӱят, ерат, купат уке. Ала омо конча, шоналтышым. Коваштемым чывыштальым. Уке, ом мале. Шолашке савырнен ончална – олмапу укшышто шырчык шинча. Теве мо тыгай артист койышан улмаш! Шӱжарем дене шыргыжал колтышна. Ынде эшеат тӱткын колышташ кумыл лекте. Шулдыран йолташ варашлат кычкыра, вараксимлат чогымата. Ну кертеш вет! Тетла вес тыгай мастар кайык уке, шоналтышым.
Алина СУББОТИНА.
2-шо номеран Морко школ.
