«Шонанпыл» йоча организацийын пионерже-влак «Чистый обелиск» акцийышке ушненыт. Кукшо лышташым удыреныт, кошкышо пеледышым кораҥденыт. Обелиск воктене арулыкым ыштеныт. Тыгай пашам идалык мучко шуктат. Кугу Ачамланде сарыште лийше да сӧй пасуэш вуйыштым пыштыше, шочмо кундемыш пӧртылшӧ-влакым шарнен, Сеҥымаш кечын, Ойганен шарныме кечын пеледыш аршашым пыштат. Шочмо кундемысе Герой-влак лӱмеш школышто залым келыштарыме. Тушан вераҥдыме стенд-влак йоча-шамычым Шочмо элым йӧраташ, тудым аралаш ямде лийын кушкаш кумылаҥдат.
Л.КОШАЕВА.
Волжский, Пӧтъял.
