6 августышто Йошкар-Оласе Патриарший площадьыште калык кочкыш фестиваль эртаралтеш. Тушто тӱрлӧ калык шке кочкышыж дене палдараш тӱҥалеш. Мероприятийышке 60 тӱжем наре уна толшаш.
Автор: Наталья Токтарова
Программирований дене курс онлайн
8-11-ше класслаште тунемше да информатикым йӧратыше-влаклан программирований дене кокияш курсым онлайн эрташ йӧн пуалтеш. Ӱдыр-рвезе-влак 4 модулян 36 шагаташ программым яра тунемаш тӱҥалыт.
«Наше поколение» конкурс
17-36 ияш самырык еҥ-влакым «Наше поколение» конкурсышко ушнаш ӱжыт. Шочмо йылме дене почеламутым але ойлымашым возыман да адрес дене электрон почтыш 31 август марте колтыман. Сылнымут паша-шамычым сборникеш савыктат.
«Отличное лето» сӱрет конкурс
3-7 ияш йоча-влаклан «О» телеканал «Союзмультфильм» дене пырля «Отличное лето» сӱрет конкурсым увертарен. Сӱретым 25 август марте колтыман. Тӱрыс уверым kanal-o.ru сайтыште ончыман.
Сӧрал шочмо вер
Авам дене пырля Таир каныме да тазалыкым аралыме рӱдерыште лийынам. Таир ерым икымше гана ужынам. Вершӧр моткоч сылне, ер кугу. Марий Элнан сӧраллыкшым ончен, кумыл нӧлтеш, чон кугешна. Полина АЛЕКСЕЕВА. […]