6 декабрьыште Медведево йоча книгагудышто «Пелед, тӱзлане, Марий Эл» почеламтым лудмо районысо конкурс эртаралтын. Тушко сылнымутым йӧратыше 27 тунемше ушнен. Мотор, пеледыш гай койшо марий вургеман ӱдыр-рвезе-влак, калык ончыко лекмекышт, чылт артистыш савырненыт. Марий улмышт дене кугешнымышт шижалтын. Уло чоным пыштен, марий поэт-влакын почеламутыштым лудыныт. Ме, жюри еҥ-влак, нуын мастарлыкыштым кок номинаций дене акленна да сеҥыше-влакым палемденна.
1-4-ше классла коклаште: 1-ше вер – Екатерина Иванова (Туршо школ), 2-шо вер – Елизавета Лебедева (Шойбулак школ), 3-шо вер – Кира Сидоркина (Медведево гимназий) ден Артём Ильин (Сенькан школ).
5-8-ше классла коклаште: 1-ше вер – Настя Иванова (Руэм школ), 2-шо вер – Ксения Камалиева (Пекшиксола школ), 3-шо вер – Соня Васильева (2-шо номеран Медведево школ) ден София Соколова (Нурма школ).
