Мемнан еш янлыклан, вольыклан шӱман. Пийым поснак йӧратена. Тудым рушла Белка манына, а марлаже – Ошеч. Пий ош тсан, шола шинча ӱмбалныже шем тамга уло. Кужу пылышыже кеча. Ошеч сурт-печым чот орола, ӧрдыж еҥым ок пурто. Школ гыч толмеке, тудым пукшем, вара коктын модына. Белка – сай йолташ.
Арина КЕДРОВА.
Медведево, Турша.
Мемнан кок пий уло. Иктыже кугу капан да йошкар тӱсан. Лӱмжӧ – Мира. А весыже – Джек, изирак капан да кӱреналге тӱсан. Мый нунылан кочкаш пуэм, олым гыч вакшышым шарем.…
Меат пырысым ашнена. Тудо 15 январьыште игым ыштен. Кызыт пырысигына (снимкыште) кугу лийын: шинчажат почылтын, пӧлемлаште кудалышташ тӱҥалын. Мый тудлан Кече лӱмым пуэнам. Лӱмжӧ ачамланат, авамланат, кочам ден кувавамланат келшен.…