Увер-выр-вр

Российым моктен мураш

Кум ияш деч кугурак кажне кумылан еҥ «День России!» всероссийский дистанционный музыкальный фестиваль-конкурсышто мастарлыкшым ончыктен кертеш. Йодмашым 11 июнь марте aragorn-studio@mail.ru адрес дене электрон почтыш колтыман. Фотом Интернет гыч налме.

Увер-выр-вр

«Таза еш – виян Россий»

Марий Элысе еш-влак «Здоровая семья – сильная Россия!» всероссийский спорт фестивальышке ушнен кертыт. «Шуко шочшан Россий», «Калыкын тазалыкше», «Мемнан илымыланна тау!» конкурс-влак, Всероссийсий велопробег да молат эртаралтыт.

Увер-выр-вр

Акцийышке ушныза

Российысе просвещений министерстве «Мои школьные годы» акцийым увертарен. Тудо 30 июнь марте шуйна. Оҥай фотом ыштыман да соцкыллаш #Моишкольныегоды, #Минпросвещениярф хештегла дене вераҥдыман. Эн сай фото-влаклан пӧлекым кучыктат.

Увер-выр-вр

«Шокшо линий»

31 май гыч 11 июнь марте Марий Элыште йоча каныш шотышто «шокшо линий» пашам ышташ тӱҥалеш. Йодышда лектеш гын, 68-19-44, 8-800-707-61-77, 68-19-21, 68-19-04 номерла дене йыҥгыртен рашемден кертыда.

Увер-выр-вр

Талантан йочам вучат

Мураш, кушташ, семӱзгар дене шокташ, сылнын сӱретлаш кумылан ӱдыр-рвезе-влак, И.С.Палантай лӱмеш тӱвыра да сымыктыш колледжын калыкле сымыктыш гимназийже тунемаш пагален ӱжеш. 1-7 июньышто мастарлыкдам тергыме пашам эртара.