Увер-выр-вр

Медведево район Турша школышто тунемше-влак Настя Жаркова, Злата Охотникова, Катя Иванова «Живое слово родного края» республикысе усталык конкурсышто сеҥышыш лектыныт. Ӱдыр-влаклан сеҥымашке шуаш марий улмышт, марий йӱла да марий шомак полшеныт. Нуным Марий тиште кечын саламленыт.

6 декабрьыште Медведево йоча  книгагудышто «Пелед, тӱзлане, Марий Эл» почеламтым лудмо районысо конкурс эртаралтын. Тушко сылнымутым йӧратыше 27 тунемше ушнен.

Марий тиште кечын Йошкар-Оласе Мер да политике рӱдер кугыеҥ-влакын гӱжлымышт да йоча-влакын юарлыме йӱкышт дене темын.

Эрденак кынелын, изи ньога-влак: кє ача-авашт, а кӧвоспитательышт дене пырля – тиде кечын шкеныштын йочасадыш огыл, а Йошкар-Оласе 29-ше номеран «Ший оҥгыр» йочасадыш вашкеныт. Могай пайрем? Кажне ийын тыште Марий тиште кечылан пӧлеклалтше «Сылнымут аршаш» конкурс эртаралтеш.

Шинчалыкым нумалше йоча-влак ий гыч ийыш ешаралтыт. Южо икшыве шинчалыкым чияш вожылеш. Кузе тыгай койыш деч утлаш? Икмыняр каҥашым Психологий да педагогике, медицине да социальный полышым пуышо «Детство» рӱдерын туныктышо-логопедше Е.В.СТЕПАНОВА пуа.