Сылнымутышто уло алмаштыш
15 майыште «Россий писатель ушем» мер организацийын Марий Эл Республикысе пӧлкаже самырык-влаклан Пошкырт кундем Мишкан селаште «Сылнымут алмаштыш» регион-влак кокласе семинар ден конкурсым эртарен. Мероприятий Я.Ялкайнын шочмыжлан 115 ий да…
Конкурсыш ушныза
12-17 ияш ӱдыр-рвезе-влак, видеоролик-влакым войзен, «I AM A VIDEO MONSTER» всероссийский йоча конкурсыш ушнен кертыт. Видео 3 минут наре шуйнышаш. Пашам 25 май марте videomonster@anastasia-fond.ru адрес дене электрон почтыш колтыман.
Ача дене йокрок огыл
Москосо Дарвиновский кугыжаныш тоштер «Не скучаю вместе с папой» всероссийский фотоконкурсым увертарен. Тушко кажне кумылан еҥ ушнен кертеш. Фотом 9 июнь марте колтыман.
«Российысе эн сай школ – 2021»
Марий Эл Республикысе школ-влак «Российысе эн сай школ – 2021» всероссийский конкурсыш ушнен кертыт. Йодмашым 9 сентябрь марте пуыман. Тӱрыс уверым shkolagoda.menobr.ru сайтыште ончыман.
«Российын идалыкысе пушеҥгыже – 2021»
«Марий Чодыра» национальный паркыште кушшо Пугачёвын тумыжо «Российын идалыкысе пушеҥгыже – 2021» лӱмым налын кертеш. rosdrevo.ru сайтышке пурен, 1 август марте йӱклаш лиеш.