Кӧ гын толын унала?
«Ямде лий» газет редакций ден М.Шкетан лӱмеш Марий национальный драме театр «Толын вучымо У ий» кидпаша конкурсым эртареныт. Кӧ гын толын унала?
Марий шомак виян
Медведево район Турша школышто тунемше-влак Настя Жаркова, Злата Охотникова, Катя Иванова «Живое слово родного края» республикысе усталык конкурсышто сеҥышыш лектыныт. Ӱдыр-влаклан сеҥымашке шуаш марий улмышт, марий йӱла да марий шомак полшеныт. Нуным Марий тиште кечын саламленыт.
Аван шӱмжӧ гай поэзий
6 декабрьыште Медведево йоча книгагудышто «Пелед, тӱзлане, Марий Эл» почеламтым лудмо районысо конкурс эртаралтын. Тушко сылнымутым йӧратыше 27 тунемше ушнен.
Кугезе йӱлам аклена – лиеш поян чонна
Ожно кугезына-влак, арама воштырым тодыштын, сурт-оралтыште кучылташ тӱрлӧ арверым шке кид дене ыштеныт. А ӱдыр-влакше, кажне пӱшкылмӧ пырчым шотлен, вургемыштым марий тӱр дене сӧрастареныт. Кызыт тыгай сӱретым пеш шагал ужаш логалеш.
Сылне, поян марий йылмына!
Марий тиште кечын Йошкар-Оласе Мер да политике рӱдер кугыеҥ-влакын гӱжлымышт да йоча-влакын юарлыме йӱкышт дене темын.