Турня – 2020 ийын кайыкше
Ялар коремыште кеҥеж мучко ныл турня илыш. Шӱжарем дене вольыкым кӱтымӧ годым эре эскерыша. Икана ме корем пудашыште пуным да пыстылым шекланыша…
Шарачасе чаҥ
Волжский район Кугу Шарача школын 8-ше классыштыже тунемше Арсений Голигоров (снимкыште) «Юный архивист» всероссийский конкурсышто икымше верым сеҥен налын. У ий вашеш шкаланже шке шерге пӧлекым ыштен.
Кӧ гын толын унала?
«Ямде лий» газет редакций ден М.Шкетан лӱмеш Марий национальный драме театр «Толын вучымо У ий» кидпаша конкурсым эртареныт. Кӧ гын толын унала?
Марий шомак виян
Медведево район Турша школышто тунемше-влак Настя Жаркова, Злата Охотникова, Катя Иванова «Живое слово родного края» республикысе усталык конкурсышто сеҥышыш лектыныт. Ӱдыр-влаклан сеҥымашке шуаш марий улмышт, марий йӱла да марий шомак полшеныт. Нуным Марий тиште кечын саламленыт.
Аван шӱмжӧ гай поэзий
6 декабрьыште Медведево йоча книгагудышто «Пелед, тӱзлане, Марий Эл» почеламтым лудмо районысо конкурс эртаралтын. Тушко сылнымутым йӧратыше 27 тунемше ушнен.