«Артек» тӱнямбал йоча рӱдерыште «Кугу перемене» всероссийский конкурсын финалже эртаралтын. Российын тӱрлӧ кундемже гыч 1500 тунемше ушнен. 9-11-ше класслаште тунемше 600 ӱдыр-рвезе сеҥышыш лектын. Нунын коклашке Марий Эл гыч кум тунемше логалын. Тиде Йошкар-Оласе Бауман лицей гыч Маргарита Жирова (11-ше кл.) ден Лейла Караева (10-шо кл.), Экономико-правовой гимназий гыч София Свечихина (11-ше кл.). 11-ше класслаште тунемше-влаклан ик миллион теҥге дене пуэныт, 9-10-шо класслаште тунемше-шамыч 200 тӱжем теҥге дене налыныт. Сеҥыше-влаклан вузышко тунемаш пурымо годым баллым ешарат.
Чапле сеҥымаш
