Нижний Новгород олаште художественный гимнастике дене «Принцесса CUP» фестиваль шукерте огыл эртаралтын. Тушко Нижний Новгород, Бор, Арзамас, Йошкар-Ола, Кстово олала гыч участник-влак ушненыт. 4-ше номеран Медведево школышто 3-шо «Д» классыште тунемше Венера Ларионова 2015 ийыште шочшо ӱдыр-шамыч коклаште икымше верым сеҥен налын. Тренерже – С.А.Арутюнян. Нуным снимкыште ужыда. Шокшын саламлена!
Фотом еш архив гыч налме.
