Сотнур селасе Свято-Троицкий храмын настоятельже иерей Игорь Сапаев, у тунемме ий тӱҥалмеке, школлашке йоча-влак дене вашлиймашке вашка. Шукерте огыл тудо Волжский районысо Сотнур ден Карай школлаште лийын. Изирак да кугурак класслаште тунемше ӱдыр-рвезе-влак дене порылык да осал койыш нерген мутланеныт. Икте-весым игылтмаш, кучедалмаш уда койыш-шоктышлан шотлалтмым рашемденыт. Настоятель йоча-шамычын йодышыштлан вашештен. Вашлиймаш оҥай, шонкалаш таратыше лийын.
Людмила НИКОЛАЕВА ямдылен.
