Мыйын икымше туныктышем – Дарья Александровна Кочергина. Тудо самырык, мотор да моткоч поро кумылан. Ме икте-весе деке пеш вашке тунем шуынна. Классыш шыргыжын пурымыжо чевер кечым ушештара. Дарья Александровна лудаш, возаш, шотлаш туныктен. Кажне темым раш умылтара, йодыш лекме годым эре вашешта, ой-каҥашым пуа. Туныктышем моткоч пагалем. Пашаштыже сай лектышым тыланем да пайрем дене шокшын саламлем!
Мария МАМАЕВА.
Йошкар-Ола, 23-шо номеран школ.
Сӱретым freepik.com сайт гыч налме.
