8-9 октябрьыште «Шап» тазалыкым пеҥгыдемдыше комплексыште Марий Эл Республикысе школ лесничестве-влакын слётышт эртаралтын. Тӱрлӧ район да ола гыч 16 команде ушнен. Ӱдыр-рвезе-влак «Лесное многоборье» да «Визитка школьных лесничеств» йыжыҥлаште мастарлыкыштым тергеныт. Видеоролик-влакым войзаш тунемыныт. Йыргешке ӱстел йыр погынен, ончыкылык пашашт нерген каҥашеныт.
Сеҥышыш лектыныт: I вер – Медведево районысо Шойбулак школын командыже (снимкыште). II вер – Шернур районысо Марисола школын командыже; Йошкар-Оласе Йоча экологий да биологий рӱдерын командыже. III вер – Юрино йоча усталык пӧртын командыже; Волжск оласе экологий рӱдерын командыже.
