Кундемышкына теле толын. Чодырам, уремым лум ош шовыч дене леведын. Пӱртӱс чылт йомак тӱняшке савырнен. Вашке У ий шуэш. Ты пайремлан ме, ачам, авам, Егор изам, чодырасе ик кожым сӧрастараш шонена. Каныш кечын мотор кожым ойыраш миенна. Декабрь мучаште тудым сӧрастарена. Кож йымаке янлык-влаклан у ий пӧлекым: кешырым, ковыштам, пӱкшым –пыштена. Кайык-влаклан кормушкым сакалена. Тек нунат У ий пайремлан куанат.
Аня АКТАНАЕВА.
Медведево, Руэм.
Родо-тукым дек унала мийымем годым бассейныштышт ала-мо ужарге койылалтмым ужым. Эн ончыч шудо пырче манын шоналтышым, вара шудышырчыкым ушештарыш. Туп дене кия ыле. Лукна – богомол улмаш (снимкыште). Ӱстембаке пыштышна.…
«Нацийын кроссшо» таҥасымашын районысо йыжыҥже Моркышто шукерте огыл эртаралтын. Тушко шукын уш неныт, Арын школ гыч икмынярын лийынна. Кече мотор шоген. Леве мардеж куржталше-влаклан вийым ешарен. Мый финишыш нылымше пуренам.…
