«Ямде лий» газет редакцийын эртарыме «Марий Эл – мыйын шочмо вер» республикысе сылнымут конкурсышко ушненам да сеҥыше-влак радамышке лектынам. Пӧтъял школ гыч кумытын ойыртемалтынна. Мемнам Йошкар-Олаште саламленыт, дипломым, пӧлекым кучыктеныт. Пайрем деч вара рӱдолан сылне верлажым онченна. Мыланна М.Шкетан лӱмеш Марий нацио нальный драме театрыште экскурсийым эртареныт (снимкыште). Кушто репетиций кая, кузе ямдылалтыт – чыла ончыктеныт. Эше тале артист Иван Соловьёвым вашлийынна. Театрыште у ий шӱлыш озалана. Чыла вере мотор. У ий кожым шке кид дене ыштыме модышла дене сӧрастареныт. Чонышто пайрем кумыл эше утларак вияҥын.
Кира ДАНИЛОВА.
Волжский, Пӧтъял школ пеленысе Йоча усталык пӧрт.
Фотом школ архив гыч налме.
