Кресачам Владислав Григорьев Эҥерсола ялеш 1990 ий 26 мартыште шочын. Специальный сарзе операций тӱҥалмеке, Шочмо элым аралаш каен. Лӱддымылыкым ончыктен. Мый тудлан эре серышым возенам. «Кресачай, чыте! Кушкын шуамат, тыланет полшем» манын серенам. 2024 ий апрельыште кресачам сусырген. Тале кредалмаште ала-могай юзо вий аралыме дене илыше кодын. Кызыт тудо – эмлымверыште. Мый кресачам дене кугешнем. Кушкын шуамат, десантник але моряк лиям. Шочмо элнам аралаш тӱҥалам.
Павел МАКСИМОВ.
Морко, Эҥерсола.
