У Торъял посёлкысо рӱдӧ книгагудышто «Данилов лудмаш» районысо конкурс шуко ӱдыр-рвезым чумырен. Тудо мемнан кундемыште шочшо поэт, серызе-влак Борис Даниловым, Вениамин Ивановым, Василий Сапаевым шарныме лӱмеш эртаралтын. Школна гыч мый, Милена Чендемерова, Кирилл Лебедев, Анна Садовина мастарлыкнам ончыктенна. Мый Б.Даниловын «Мемнан ялна» почеламутшым сылнын лудынам да икымше верым сеҥен налынам (снимкыште). Марий йылмым да литературым туныктышо Ирина Эриковна Маличенколан сайын ямдылымыжлан кугу таум ойлем.
Есения ЕГОШИНА.
У Торъял, Немда.
Фотом еш архив гыч налме
