Ик кечын тӱҥалтыш классыште да визымше классыште тунемше-влак Тулазап ваштареш шогышо службын Марийсола постышкыжо экскурсий дене мийышна. Тиде постым Михаил Аркадьевич Ильин вуйлата. Тудо мемнам пеш кугу кумыл дене вашлие. МЧС пашаеҥ-влакын кӱлешан сомылышт нерген каласкалыш. Кажне рвезе пожарный машинан кабинышкыже шинчын ончыш. Южо йочан пожарник лияш кумылжат ылыже. Тунемше-влак йодышым пуышт:
– Кушто пожарныйлан тунемаш лиеш? Могай койыш-шоктышан лийман?
Мучаште Михаил Аркадьевич мыланна сайын тунемаш, спортым йєраташ тыланыш да вес ганат толаш ӱжӧ.
Тиде экскурсий мыланна келшен, шуко кӱлешаным пален нална. Газет гочын М.А.Ильинлан кугу таум ойлена.
Екатерина МАМАЕВА.
Шернур, Шӱдымарий
Экскурсий дене
