Российысе просвещений министр С.С.Кравцовын ойжо почеш, «Цифровая образовательная среда» федерал проект дене келшышын, тунемше-влакын «цифровой биографийышт» лиеш. Тушто йочан чыла сеҥымашыже палемдалтеш. «Кызыт йоча-влак кагаз портфолиом погат, а ончыкыжым тудо электрон лиеш, – ойлен Сергей Сергеевич. – Тыгак «цифровой биографийыште» йочан у темым кузе умылымыжо, тӱрлӧ тергыме пашам шуктымыжо, могай отметкым налмыже, ГИА-н, олимпиаде-влакын лектышышт ончыкталтыт»
