Йошкар-Оласе Бауман лицейыште «Руки сердечное тепло» регионысо инклюзивный фестиваль эртаралтын (снимкыште). Тушко Татарстан, Марий Эл республикла, Санкт-Петербург, Чебоксар олала гыч изинек эмганен кушшо 300 ӱдыр-рвезе ушнен. Нуно муреныт, куштеныт, тӱрлӧ семӱзгар дене шоктеныт, сӱретлыме, тӱрлӧ кидпашам ыштыме мастарлыкыштым ончыктеныт, почеламутым сылнын лудыныт, театр постановкым калык ончыко аклаш луктыныт. Йоча-влак дене пырля нунын таҥаш волонтёр-шамыч сценышке лектыныт. Эн сай номер-шамычым Гала-концертыште он-чыктеныт. Тылеч посна ӱдыр-рвезе-влак уста кидмастар-шамыч дене вашлийыныт. Тиде фестиваль изинек эмганен кушшо йоча-влакат уста улыт манын уэш пеҥгыдемден.
А.С.РЕЧКИНА.
