17 октябрьыште Республикым Вуйлатыше Александр Евстифеев Марий Эл мучко путешествий дене коштшо-влаклан чапкӱм почын. Чапкӱ черепахе ӱмбалне йыр пєрдшє мландышарым (диаметрже – 1,5 метр) ушештара. Тушто Марий Элыш унала кайыше ешым ужына. Памятникым «Теплая речка» трактир ончылно вераҥдыме.
Чапкӱм почмо деч вара уна-влаклан республикын картшым ончыктышо кугу тортым темленыт. Тудо тӱняште эн кугулан шотлалтын. Рекордым Моско гыч толшо эксперт Олег Назаров пеҥгыдемден. Тортын кужытшо – 4,5 метр наре, лопкытшо – 2,5 метр.
– Вашке республикна 100 ияш лўмгечыжым пайремлаш тӱҥалеш. Садлан калыкым єрыктараш шоненна. Тушто Марий Элын 14 районжым ончыктымо. Нуно тӱрлӧ тӱсан улыт. Тортым 80 кешыр корж, кешыр сок, шӱшмӱй, нугыдемдыме шєр да грек пӱкш гыч ыштыме. Ӧрыктарыше кугытан кочкышым кум кече наре куд кондитер ямдылен, – ойлен «Тёплая речка» трактирын озаже Юлия Антропова.
Тортын 3200 утла порцийжым (90% утла) йоча да шоҥго пӧртлаш колтымо.
