Икымше туныктышем – Людмила Викторовна Андреева. Мотор сынже, лыжга йӱкшӧ, поро кумылжо мыланем вигак келшеныт. Эн тӱҥжӧ: келге шинчымашым пуэн. Кызыт тудо 3-шо классыште тунемше-влак дене пашам ышта. Ме, 7-ше классыште шинчымашым погышо ӱдыр-шамыч, Людмила Викторовна дене вашлияш эре вашкена, ой-каҥашым йодына. Мо оҥайже: икымше туныктышына ден кызытсе класс вуйлатышына Эвелина Анатольевна 1-ше гыч 11-ше класс марте пырля тунемыныт. Коктынат «Ямде лий» газетын чолга юнкоржо лийыныт.
Туныктышына-шамыч дене кугешнена. Нунын куштылго огыл пашаштышт сеҥымашым тыланена.
Рафаила ДМИТРИЕВА.
Волжский, Сотнур.
Снимкыште: Л.В.Андреева дене пырля.
Фотом школ архив гыч налме.
