Ӱшанаш лийдымыла чучеш, но блокадысе Ленинградыште илыше йоча-влаклан У ий кож пайремым эртареныт. 1941 ийыште 7-10-шо класслаште тунемше 50 тӱжем наре ӱдыр-рвезе кож йыр пӧрдын. Театрлаште спектакльым ончыктеныт.
1942 ийыште Ленгорсовет кажне школышто (тунам 84 школ пашам ыштен), йочасадыште, йочапӧртыштє У ий пайремым эртараш кӱштен. Тулыкеш кодшо да фронтовик-влакын йочаштлан тӱткышым утларак ойыреныт. А 1942 ий 31 декабрьыште пӧртлаште электротул чӱкталтын. Ленинградыште 400 кече утла тул, вӱд, шокшо деч посна илыше-влаклан тиде эн шерге пӧлек лийын.
Л.НИКОЛАЕВА ямдылен.
