Школышто тунемше-влакын Россий кӱкшытан олимпиадыштын регионысо йыжыҥже тӱҥалын. «Тудо 12 январь гыч 25 февраль марте шуйна. Тушко 500 утла ӱдыр-рвезе ушна. 9-11-ше класслаште тунемше-влак 22 предмет дене шинчымашыштым ончыктат. Олимпиаде эртыме годым санитарно-эпидемиологический йодмаш тӱрыс шукталтеш. Кажне йоча короновируслан анализым сдатла», – ойлен Марий Эл Республикысе образований да науко министрын алмаштышыже Н.Б.Антоничева (снимкыште). Регионысо олимпиадыште сеҥыше-влак 20 март гыч 30 апрель марте всероссийский этапыште шинчымашыштым тергат.
