22 апрельыште туныктышо ден воспитатель-влак коклаште эртаралтше педагогике мастарлык республикысе конкурслам иктешленыт. Таҥасымашке 19 туныктышо да 15 воспитатель ушненыт. «Идалыкын туныктышыжо-2022» лӱмым Волжск оласе 4-ше номеран школышто географийым туныктышо Т.А.Жидко сулен. Оршанке посёлкысо «Родничок» йочасадын воспитательже Н.А.Петухова «Идалыкын воспитательже-2022» конкурсышто сеҥен. «Уста марий туныктышо-2022» конкурсышто 3-шо номеран Советский школышто марий (кугыжаныш) йылмым да ИКН-ым туныктышо Р.А.Богомолова ойыртемалтын. Нуным снимкыште ужыда. Сеҥыше-влак всероссийский конкурслаште республикын чапшым аралаш тӱҥалыт.
