Мордва Республикыште «Лӱдыкшыдымылык школ» регион-влак кокласе таҥасымаш эртаралтын. Юл кундем федерал округысо 14 регион гыч 23 команде вий-куатшым, мастарлыкшым терген. Ӱдыр-рвезе-влак эстафетыште таҥасеныт, 1 километрыш, тӱрлӧ нелылыкым эртен куржыныт, акваторийыште кычалме да утарыме сомылым шуктеныт.
Марий Элын сборный командыжын изирак ийготан тӱшкаже икымше верым сеҥен налын. Кугурак ийготан ӱдыр-рвезе-влак кумшо верыш лектыныт. Нуным снимкыште ужыда.
