Илен улмаш чал пондашан Байкал патыр. Тудын Ангара ӱдыржӧ лийын. Байкал ӱдыржым йӧратен гынат, тӱня деч шылтен, мланде йымалне кучен. Икана Ангара тале патыр Енисей нерген колын. Тудым ужаш да кече йымак лекташ шонен. Тидым Байкал пален налын да ӱдыржым эше чот шылтен. Байкал Ангарам лишне илыше марийлан пуаш шонен. Поян да мотор Иркут дене кутырен келшен. Полатыште петырыме Ангара шуко шортын, Юмым сӧрвален. Тудо ӱдырын ойган йӱкшым колын. Полатым кугу вӱд дене мушкын шалатен. Ангара Енисейже деке куржын. Байкал мо лиймым умылен. Шыдыж дене ӱдыржын почешыже кугу кӱм кудалтен. Ангара тидым шижын огыл, тудо тораште лийын. Енисей ден Ангара тӱжем ий дене пырля йогат. А Байкалын кудалтыме кӱжым кызытат пагалат, «Шаманский камень» манын лӱмдат.
Катя СЕРГЕЕВА ямдылен.
Сӱретым нейросеть полшымо дене ыштыме.
