Мыйын Полина шӱжарем уло. Шыжым тудо ныл ийым тема. Йочасадыш коштеш. Полина – моткоч поро да весела ӱдыр. Кутыраш пеш кумылан. Но тудо ӱдыр семын курчак дене огыл, а машина дене модаш йӧрата. Коктын шуко жапым пырля эртарена: модына, мультфильмым ончена, уремыште коштына, мӧҥгыштӧ иктаж-мом ышташ полшена. Мыйын мутем шӱжарем колыштеш. Южгунам мыйым ик кована дене, тудым вес кована дене кодат. Икте-весе деч посна шуко жап лийын огына керт, йокрокланаш тӱҥалына. А ынде Полина ден когыньнан эше ик изи шӱжарна уло: Настя. Шӱжарем-влакым моткоч чот йӧратем.
Мария МАМАЕВА.
Йошкар-Ола, 23-шо номеран школ.
Фотом еш архив гыч налме.
