Моско олаште «Без срока давности» шымлыме проект-влак фестиваль эртаралтын. Фестиваль радамыште тыгаяк лӱман всероссийский конкурс иктешлалтын. Тушко шке проектышт дене кумло тӱшка ӱдыр-рвезе ушнен. Паша-влак 1941-1945 ийлаште Кугу Ачамланде сар годым совет калыкын геноцидше дене кылдалтше лийыныт. Тушко меат, 11-ше классыште тунемше-шамыч Вика Батухтина, Юля Петухова да мый, ушненна да призёр лийынна. Мыланна историйым да обществознанийым туныктышо Людмила Евгеньевна Аблинова полшен. Шкежат кыртмен пашам ыштенна. Элнан эртыме корныжым шымлаш кумыл утларак лектын.
Настя КОШПАЕВА.
2-шо номеран Кужэҥер школ.
